Ўзбекистонлик самбочи Суҳроб Остонаев (-90 кг) Қозонда бўлиб ўтаётган Универсиаданинг бронза медалини қўлга киритди.
Суҳроб ярим финалгача Андрей Хордиенко (Украина, 4:0), Борис Кибрик (Исроил, 4:0)ни енгиб, ярим финалда тожикистонлик Камроншоҳ Устапириёнга ютқазиб қўйганди.
Учинчи ўрин учун баҳсда Остонаевга франциялик Валентин Журдан рақиблик қилди. Баҳсда Суҳроб 3:0 ҳисобида ғалаба қозонди.
Мазкур бронза Ўзбекистон делегациясининг Универсиададаги 9-бронза медали бўлди. Бунгача вакилларимиз 2та олтин ва 7та кумуш медалларини ҳам қўлга киритишганди.
Терма жамоамиз умумжамоа ҳисобида медаллари сифати бўйича 21, медаллар сони бўйича 10-ўринда бормоқда.