"Манчестер Сити"нинг норвегиялик тўпурари Эрлинг Холанд испан суперклуби қизиқишлари доирасида. Скандинавиялик футболчини Мадриднинг "Реал" клуби ўз сафига қўшиб олмоқчи.

Caught Offside хабарига кўра, "қироллик клуби" юлдуз марказий ҳужумчи вакиллари билан келишувга замин яратиш учун музокараларга киришган. "Қаймоқранглилар" Эрлингни бразилиялик вингер Винисиус Жуниорнинг сотувидан тушган маблағ эвазига сотиб олиши мумкин. Саудия клубларидан бири футболчи учун тахминан 250 миллион евро беришга тайёр.

Норвегияликнинг инглиз топ-клуби билан амалдаги меҳнат шартномаси 2034 йилнинг ёзида якунига етади. Унинг нархи 180 млн еврони ташкил этади.