Жаҳон чемпионати - 2026 саралаши гуруҳ босқичи ўйинида Сербия терма жамоаси ўз майдонида Албания терма жамоасини қабул қилди. Унда мезбонлар 0:1 ҳисобида минимал мағлубиятга учради.
Шундан сўнг, Сербия терма жамоаси устози Драган Стойкович истеъфога чиққанини эълон қилди.
"Мен истеъфога чиқдим. Бу ўйинда ютқазамиз деб ўйламагандим. Натижа учун жавобгарликни ўз зиммамга оламан," - дея мутахассиснинг сўзларини келтиради BeInSports.
Сербия терма жамоаси 7 очко билан турнир жадвалида учинчи ўринда бормоқда. Албания 11 очко жамғариб, гуруҳда 2-ўринда бормоқда.
