Португалия президенти Марселу Ребелу де Соуза Криштиану Роналдунинг Ирландия терма жамоаси билан ўйиндаги ҳаракатлари ҳақида фикр билдирди.
75-дақиқада 40 ёшли форвард пенальтини голга айлантира олмади. Португалияликлар 91-дақиқада Рубен Невешнинг голи эвазига ғалаба қозонди.
"Роналду яхши ўйнади", - дея Португалия президентининг сўзларини келтиради TCR. - Рақиблар дарвозабони уч-тўрт марта ақл бовар қилмас сэйв амалга оширди. Криштианунинг пенальтини голга айлантирмаганини камдан-кам ҳолларда кўриш мумкин," - деди Марселу Ребелу де Соуза.
Португалия терма жамоаси 9 очко билан саралаш гуруҳида пешқадамлик қилмоқда ва Венгриядан 5 очко олдинда. Сешанба куни жамоаларнинг ўзаро учрашуви бўлиб ўтади.
