Лондоннинг "Арсенал" клуби собиқ ярим ҳимоячиси Жек Уилшер илк бор бош мураббий сифатида ўзини синаб кўради. 33 ёшли мутахассис Англия биринчи лигаси (учинчи дивизион) вакили "Лутон Таун"ни бошқаришга рози бўлди, дея хабар бермоқда инсайдер Фабрицио Романо. Томонлар ҳамкорликнинг барча шартларини ҳал қилдилар - тайинлов душанба куни расман эълон қилинади.
Жек Уилшер 2022 йилда футболчилик фаолиятини якунлаган. Шундан сўнг инглиз дарҳол "Арсенал" ёшлар жамоасида мураббийлик лавозимини эгаллади ва 2024 йил октябридан 2025 йилнинг майигача "Норвич"да бош мураббий ёрдамчиси бўлиб ишлади.
"Лутон" Биринчи лига турнир жадвалида 11-ўринни эгаллаб турибди. Ўтган мавсумда "шляпачилар" Чемпионшипдан, бир йил олдин эса Премьер-лигадан чиқиб кетишганди.













