Испания терма жамоаси ва «Барселона»нинг собиқ ярим ҳимоячиси, шунингдек каталонияликлар собиқ бош мураббийи Хави журналистнинг қисқа саволига жавоб берди — у «кўк-анорранглилар» қайси футболчини сотиб олиши кераклигини айтди.

— Янги трансфер?
— Холанд, — деб жавоб берди Хави Barca News порталига берган интервьюсида.

Маълумот учун, 25 ёшли Эрлинг Холанд жорий мавсумда барча турнирларда 16 та ўйин ўтказиб, 24 та гол урган ва 4 та голли узатма берган. «Манчестер Сити» форварди кетма-кет 10 та учрашувда гол уришга муваффақ бўлди — бу норвегиялик ҳужумчининг карьерасидаги энг узоқ самарали серия ҳисобланади.

Transfermarkt маълумотига кўра, Холанднинг тахминий бозор қиймати — 180 миллион евро.