"Ювентус" ҳужумчиси Душан Влахович ўтган ёзда "Барселона"га кўчиб ўтиши мумкин эди.

"Кўк-анорранглилар" ёзги трансферлар ойнаси ёпилишидан олдин сербиялик футболчини ўз сафига қўшиб олиш имкониятини кўриб чиққан, аммо якунда яна Роберт Левандовски ва Ферран Торресга ишонишга қарор қилган, дея хабар бермоқда инсайдер Фабрицио Романо. "Кекса синьора" форвардини пасайтирилган нархда сотиб олиш мумкин, чунки унинг амалдаги шартномаси 2026 йилнинг июнь ойи охирида тугайди.

Маълум бўлишича, Душан Влахович жорий мавсум якунлангач эркин агентга айланади - 25 ёшли футболчи "Ювентус" билан келишувни узайтирмоқчи эмас.