"Манчестер Юнайтед"нинг собиқ ярим ҳимоячиси, ҳозирда футбол мураббийи бўлиб ишлаётган Майкл Каррик Шотландия чемпионатида иш бошлаши мумкин. Бу ҳақда Daily Mail журналистлари хабар бермоқда.
Манбага кўра, мутахассисни "Глазго Рейнжерс" клуби бош мураббийликка таклиф қилмоқчи. Аввалроқ шотландияликлар "Ливерпуль" афсонаси Стивен Жеррардни жамоа бошқарувига таклиф қилишни режалаштирган эди, бироқ мураббий фаолиятини давом эттиришнинг бундай вариантидан воз кечди.
Каррикнинг сўнгги иш жойи "Мидлсбро" эди. Ўтган мавсум якунлангач, мутахассис жамоани тарк этди.
Бугунги кунга келиб "Рейнжерс" Шотландия чемпионати жадвалида атиги саккизинчи ўринда бормоқда.
