"Атлетико" афсонаси Габи учун мураббийлик фаолиятининг бошланиши омадсиз кечмоқда.
"Матрасчилар"нинг собиқ ярим ҳимоячиси жорий йилнинг март ойида Сегундада иштирок этаётган "Сарагоса" жамоасига раҳбарликни қўлга олган эди — бу унинг бош мураббий сифатидаги илк мустақил тажрибаси бўлди. Габи мавсумнинг охирги 11 та ўйинида 4 та ғалабага эришди ва янги мавсум учун жамоада қолди.
Янги мавсум эса "Сарагоса" учун жуда ёмон бошланди. Жамоа ягона ғалабасини 7-турда "Мирандес" устидан қозонди, шундан кейин эса "Кордова" ва "Альмерия"га ютқазди. Охирги мағлубият клуб раҳбарияти учун сўнгги нуқта бўлди — Габи ишдан бўшатилди. У "Сарагоса"ни 9 та ўйиндан кейин 6 очко билан Сегунда жадвалидаги сўнгги ўринда қолдирди.
