"Наполи"нинг асосий футболчилари ўз терма жамоаларида муваффақиятли ўйин кўрсатишди ва А Серия доирасида "Торино"га қарши ўйинда жамоасига ёрдам бериш учун клуб ихтиёрига қайтишмоқда.
"Наполи" сафарда "Торино"га қарши муҳим ўйинга тайёргарликни давом эттирмоқда. Антонио Конте эртагаёқ терма жамоа аъзолари, жумладан, бир кун аввал терма жамоалар сафида ўйин ўтказган Скотт Мактоминей ва Расмус Хёйлунднинг қайтишига умид қилиши мумкин.
Хёйлунд ажойиб формага кирди ва ўзининг самарадорлиги билан экспертларни ҳайратда қолдиришда давом этмоқда. "Наполи" ҳужумчиси Дания терма жамоасининг Грецияга қарши ўйинида асосий қаҳрамонлардан бирига айланди ва учрашувда 1-голни урди.
"Манчестер Юнайтед"нинг собиқ футболчиси учун бу гол октябрь ойидаги клуб ва терма жамоа сафида 4-ўйиндаги 6-гол бўлди. Умуман олганда, даниялик мавсумдаги 10 та ўйинда 8 марта рақиб дарвозасини ишғол қилган.
Неаполликлар сафида "МЮ"нинг яна бир собиқ футболчиси Скотт Мактоминай ҳам ўзига келиб олган. У Шотландия терма жамоасига Белоруссияга қарши ўйинда 84-дақиқада ҳал қилувчи голни уриб, ғалаба қозонишга ёрдам берди.
