"Napoli"ning asosiy futbolchilari o‘z terma jamoalarida muvaffaqiyatli o‘yin ko‘rsatishdi va A Seriya doirasida "Torino"ga qarshi o‘yinda jamoasiga yordam berish uchun klub ixtiyoriga qaytishmoqda.
"Napoli" safarda "Torino"ga qarshi muhim o‘yinga tayyorgarlikni davom ettirmoqda. Antonio Konte ertagayoq terma jamoa a’zolari, jumladan, bir kun avval terma jamoalar safida o‘yin o‘tkazgan Skott Maktominey va Rasmus Xyoylundning qaytishiga umid qilishi mumkin.
Xyoylund ajoyib formaga kirdi va o‘zining samaradorligi bilan ekspertlarni hayratda qoldirishda davom etmoqda. "Napoli" hujumchisi Daniya terma jamoasining Gresiyaga qarshi o‘yinida asosiy qahramonlardan biriga aylandi va uchrashuvda 1-golni urdi.
"Manchester Yunayted"ning sobiq futbolchisi uchun bu gol oktyabr oyidagi klub va terma jamoa safida 4-o‘yindagi 6-gol bo‘ldi. Umuman olganda, daniyalik mavsumdagi 10 ta o‘yinda 8 marta raqib darvozasini ishg‘ol qilgan.
Neapolliklar safida "MYU"ning yana bir sobiq futbolchisi Skott Maktominay ham o‘ziga kelib olgan. U Shotlandiya terma jamoasiga Belorussiyaga qarshi o‘yinda 84-daqiqada hal qiluvchi golni urib, g‘alaba qozonishga yordam berdi.
