Норвегия терма жамоасининг Исроилга қарши сўнгги ўйинида Эрлинг Холанд хет-трик қайд этди. Эндиликда юлдуз ҳужумчи миллий жамоа сафида 46 та ўйинда 51 та гол урган. Холанд Норвегия терма жамоаси сафида 50 та гол ургани муносабати билан ижтимоий тармоқларда пост қолдирди.
"50 та гол ўзига хос бўлди... 51 таси эса янада яхшироқ," - деб ёзган Холанд.
Норвегия терма жамоаси 2026 йилги жаҳон чемпионати саралашининг барча олтита ўйинида умумий 29:3 ҳисобида ғалаба қозонди. Жамоа 1998 йилдан бери биринчи марта жаҳон чемпионатида иштирок этиш учун яхши имкониятга эга. Кейинги саралаш босқичида норвегияликлар 13 ноябрь куни Эстонияни қабул қилади.
