Бразилия терма жамоаси етакчиси Карло Анчелотти ўз мақсадини айтди.
"Мақсадим - Бразилия терма жамоаси билан қўлимдан келганини кўрсатиш. Жамоани максимал даражага олиб чиқишга ва жаҳон чемпионатида ғолиб бўлишга ҳаракат қиламан. Албатта, ҳозирча ҳеч бир хорижлик мураббий Бразилия билан жаҳон чемпионлигини қўлга киритмаган. Аммо ҳаётда бир кун бирор нарса биринчи марта нимадир содир бўлади," - деди Анчелотти журналистларга.
Бразилия терма жамоаси аллақачон АҚШ, Канада ва Мексикада бўлиб ўтадиган 2026 йилги жаҳон чемпионатига йўлланмани қўлга киритган.
Эслатиб ўтамиз, Бразилия терма жамоаси сўнгги бор 2002 йилда жаҳон чемпионлигини қўлга киритган.













