Аргентина терма жамоаси бош мураббийи Лионель Скалони "Рома" вингери Матиас Соуленинг жамоага таклиф этилиши ҳақида гапирди.
"Матиас Соуле бошқа кўплаб ёш футболчилар қатори бизнинг эътиборимиз марказида. Биз уни кузатяпмиз. Матиас биз билан бирга эди ва келажакда уни терма жамоа сафида кўрамиз", - дея Скалонининг сўзларини келтиради журналист Фабрицио Романо.
22 ёшли Соуле Аргентина терма жамоасига атиги бир марта чақирилган. Бу воқеа 2024 йил сентябрь ойида содир бўлган. Бироқ, ҳозирча футболчи жамоа сафида дебют қилгани йўқ.
Бу мавсумда Соуле "Рома" сафида 8 та ўйинда 3 та гол урди. Шунингдек, ҳужумчи ҳисобида иккита самарали узатма бор.
