Англия терма жамоаси ЖЧ-2026 саралашидан ўрин олган баҳсда Латвияни меҳмонда мағлуб этди - 5:0.
Меҳмонлар сафида Харри Кейн дубль қайд этди, Энтони Гордон ва Эберечи Эзе биттадан гол урди, яна бир голни латвияликлар ҳимоячиси Максим Тонишев ўз дарвозасига киритди.
Ушбу ғалаба эвазига Англия терма жамоаси муддатидан аввал ЖЧ-2026 йўлланмасини қўлга киритди. Жамоа К гуруҳида 18 очко билан пешқадамлик қилаётган бўлса, 2-поғонада бораётган Албания 11 очко билан инглизларга етиб олиш учун математик имкониятдан маҳрум бўлди. Латвия 5 очко билан тўртинчи ўринда бормоқда.













