Россиянинг Sport.ru сайти, шунингдек, Туркияда якунланган ёшлар ўртасидаги жаҳон чемпионатида кашфиёт бўлган ҳимоячилар ҳақида тўхталиб ўтган. Саккиз кишилик мудофаа вакиллари орасига ўзбекистонлик Сардор Раҳмонов ҳам киритилган. Шунингдек, Осиё жамоаларидан фақат ироқлик Али Аднан ҳам мазкур рўйхатдан ўрин олган.

Сардор Раҳмонов (Ўзбекистон, 19 ёш, "Локомотив")
Ушбу ҳимоячи дисквалификация туфайли чорак финалда Ўзбекистонга ёрдам бера олмади. Натижада ўзбекистонликлар Франциянинг босимига дош бера олмадилар. Сардор мусобақада 2та гол ургани эса унинг терма жамоанинг муҳим ўйинчиларидан бири бўлганини кўрсатмоқда. У икки қаватда яхши ўйнайди, тўғри жой танрлайди ва етакчилик хусусиятига эга. Назаримизда, марказий ҳимоя чизиғида муаммога эга бўлган Россия клублари ушбу футболчига эътибор қаратишса бўлади.

Али Аднан (Ироқ, 19 ёш, "Боғдод")
Али Аднан Ироқ терма жамоасининг мусобақадаги илк ўйинида Англия терма жамоаси дарвозасига ҳисобни тенглаштирувчи гол киритиб, учрашув қаҳрамони бўлганди. У Уругвай дарвозасига жаримадан гол киритиб, суперқаҳрамон бўлиши ҳам мумкин эди. Аднан бошидан қон оққанига, жароҳат олганига қарамай, ўйнашда давом этди, ўйиннинг энг "қайноқ" нуқталарида пайдо бўлди. Курашдан қайтмаслиги, етакчилик хусусияти, атлетик жиҳатдан етуклиги боис, аднан Европа жамоаларидан бирига ўтиш учун асосий номзод бўлиб турибди. Англияликлар унинг ўйинидан баҳраманд бўлиб улгуришди.