"Барселона" ва Англия терма жамоаси вингери Маркус Рэшфорд ўз ўйини ҳақида гапирди.
27 ёшли футболчи Каталонияда ишончни оқлай олди: унинг ҳисобида Ханс-Дитер Флик жамоасидаги ўнта ўйинда учта гол ва бешта голли узатма бор.
"Бир кун келиб мен ўз салоҳиятимни тўлиқ намоён этаман ва ниҳоят сиз менинг энг яхши версиямни кўрасиз. Бундан янада бахтлироқ бўламан, бу ҳам ижобий таъсир кўрсатади. Шунда мен "Барселона" ва Англия терма жамоасига кўпроқ фойда келтира оламан," - дея Рэшфорднинг сўзларини келтиради Barca Universal.
Эслатиб ўтамиз, ўтган ёзда "Барса" англиялик футболчини "Манчестер Юнайтед"дан сотиб олиш имконияти билан жорий мавсум охиригача ижарага олган эди.
