"Манчестер Юнайтед"нинг собиқ футболчиси Рой Кин собиқ жамоадоши Криштиану Роналдунинг муваффақиятлари ҳақида фикр билдирди.

Сешанба куни 40 ёшли форвард ЖЧ-2026 саралашидан ўрин олган Венгрияга (2:2) қарши ўйинда дубль қайд этди. Португалиялик футболчи жаҳон чемпионати саралашида энг кўп гол уриш бўйича жаҳон рекордини янгилади (41). "Ан-Наср" юлдузи терма жамоа сафида жами 225 та ўйин ўтказиб, 143 та гол урган - бу ҳам рекорд кўрсаткич.

"У прессинг қиляптими? У рақибга босим ўтказяптими? Менга унинг қанча гол ургани аҳамиятсиз, ахир у босим ўтказиши керак - шундагина мен ундан мамнун бўламан," - дея киноя қилди Кин Роналдунинг ақл бовар қилмас ютуқлари ҳақида.

"МЮ"га иккинчи марта келганида, Криштиану прессингда етарлича ҳаракат қилмагани учун тез-тез танқидга учраган ва Эрик тен Хаг даврида жамоадаги ўрнини йўқотган.