"Интер" ярим ҳимоячиси Генрих Мхитарян келажаги ҳақида гапирди.
36 ёшли футболчининг "нерадзуррилар" билан шартномаси 2026 йилнинг июнь ойи охирида якунига етади.
Арманистонлик ярим ҳимоячи фаолиятини давом эттириш борасида ҳали бир қарорга келмаганини тан олди.
"Мен иштиёқ, юрагим ва бор кучимни ишимга сарфлайман. Ортда қолган фаолиятим билан жуда фахрланаман.
Эндигина нимага эришганимни тушуняпман. Яхши жисмоний ҳолатга киришиш учун ҳамма нарсани қиляпман.
Мавсум охирига келиб фаолиятимни давом эттириш ёки йўқлигини ҳал қиламан", - деди футболчи.
