"ПСЖ"нинг франциялик ҳужумчиси Усмон Дембеле "Олтин тўп"ни қўлга киритганидан кейин кўпроқ пул ишлашни истамоқда. Бу ҳақда L’Equipe хабар бермоқда.
Манбага кўра, айни дамда Дембеленинг маоши 18 миллион еврони ташкил этади. Унинг клуб билан амалдаги шартномаси 2028 йилда якунига етади, бироқ ҳамкорликни узайтириш бўйича ҳозирданоқ музокаралар олиб борилмоқда. Таъкидланишича, янги шартномага кўра, Дембеле "Олтин тўп" соҳиби мақомидан фойдаланиб, даромадини оширмоқчи.
Жорий мавсумда 28 ёшли француз барча мусобақаларда 4та ўйинда майдонга тушиб, 2та гол урди ва 2та ассистни ўз ҳисобига ёздириб қўйди.













