Corriere dello Sport нашри хабарига кўра, "Ювентус" ва "Челси" "Ал-Ҳилол" билан шартномаси 2026 йилда якунига етадиган ярим ҳимоячи Сергей Милинкович-Савич трансфери учун кураш олиб бормоқда.
Келишувни узайтириш бўйича музокаралар давом этмоқда, аммо сербиялик ярим ҳимоячи ҳозирда нозик вазиятда - Саудия Арабистонида қолиш истаги ва Европанинг етакчи чемпионатларидан бирига қайтиш ўртасида.
Футболчининг агенти айни дамда "Ал-Ҳилол" раҳбарияти билан музокаралар олиб бормоқда, бироқ ҳозирча келишувга эришилмаган, "Ювентус", "Челси", шунингдек, Туркиянинг "Галатасарой" ва "Фенербаҳче" клублари ушбу мавҳумликдан фойдаланиб, ярим ҳимоячини ўз сафига қўшиб олишга тайёр.
Эслатиб ўтамиз, "Ал-Ҳилол" Сербияни 2023 йилнинг ёзида "Лацио"дан 40 миллион еврога сотиб олган эди. Унинг ҳисобида Саудия Арабистони клуби сафида барча мусобақаларда 102 та ўйинда 30 та гол ва 26 та голли узатма бор.
