Чилида ўтаётган 2025 йилги ёшлар ўртасидаги жаҳон чемпионатида финалчи жамоалар номи аниқ бўлди. Ҳал қилувчи баҳсда Марокаш ва Аргентина ёшлар терма жамоалари тўқнаш келади.

Марокаш – Франция 1:1 (пенальтиларда 5:4)
15 октябрь куни Вальпараисодаги “Элиас Фигероа” стадионида ўтган ярим финалда Марокаш Францияни драматик тарзда мағлуб этди. Учрашувнинг 32-дақиқасида француз дарвозабони Лисандру Ольмета ўз дарвозасига тўп киритиб юборди. 59-дақиқада Люка Мишаль ҳисобни тенглаштирди. Қўшимча бўлимларда франциялик Рабби Нзингула иккинчи сариқ карточкани олиб майдондан четлатилди. Пенальтилар сериясида эса марокашликлар аниқроқ ҳаракат қилиб, 5:4 ҳисоби билан ғалаба қозонди. Ғалаба тўпини Нена Бияр киритди.

Аргентина – Колумбия 1:0
16 октябрь куни “Хулио Мартинес Праданос” стадионида бўлиб ўтган иккинчи ярим финалда Аргентина Колумбия устидан 1:0 ҳисобида зафар қучди. Учрашув тақдирини 72-дақиқада Матео Сильветтининг голи ҳал қилди. 79-дақиқада колумбиялик Жон Ариас қизил карточка олиб, колумбияликларни камчиликда қолдирди.

Финал:
Аргентина U-20 – Марокаш U-20
20 октябрь куни соат 04:00 да старт олади.

Эслатиб ўтамиз, ёшлар ўртасидаги жаҳон чемпионати 27 сентябрдан 20 октябргача Чилида ўтмоқда. 2023 йилги мусобақада ғолибликни Уругвай қўлга киритган эди, улар финалда Италияни 1:0 ҳисобида енгган.