"Бавария" ярим ҳимоячиси Йозуа Киммих Харри Кейннинг "Олтин тўп"ни ютиши мумкинлиги ҳақида гапирди.

Айни пайтда англиялик футболчи нуфузли индивидуал совринга асосий даъвогарлардан бири бўлиб турибди: форвард жорий мавсум бошидан буён клуб ва терма жамоа сафида 13 та ўйинда майдонга тушиб, 21 та гол ва 3 та голли узатмани амалга оширган.

"Мақсадимиз жамоавий муваффақиятга эришиш ва шунда Кейн индивидуал совринларга даъвогарлик қилиши мумкин. Умуман олганда, майдонда бўлганимизда, у шахсий совринлар учун ўйнаётгандек таассурот уйғонмайди. Харри кўп қиррали ўйинчи бўлиб, жамоа манфаати учун ҳамма нарсани қилади. Биз 3:0 ҳисобида ғалаба қозонганимизда у гол ура олмаганидан хафа бўлганини ҳеч қачон кўрмаганман," - дея Киммихнинг сўзларини келтиради Bayern & Germany.

Харри Кейн "Олтин тўп-2025" учун номзодлар ўттизталигига кирди, аммо овоз бериш натижаларига кўра атиги 13-ўринни эгаллади.