Мадриднинг "Реал" клуби "Бенфика" ҳимоячиси Эсекиэл Гарайнинг "Манчестер Юнайтед"га ўтишидан 10 миллион евро фойда кўради. Бу ҳақда Football Espana шундай хабар берган.
Аргентиналик футболчи Португалия клуби таркибига 2011 йили келиб қўшилган ва ўзини жуда яхши томондан кўрсата олганди. Шу сабаб охирги вақтларда унга "Манчестер Юнайтед" ва "Барселона" қизиқаётгани, қолаверса унинг "Сантьяго Бербабеу"га қайтиши мумкинлиги борасида ҳам хабарлар тарқалаётганди.
Шундай қилиб, "МЮ"га ўтадиган Гарайнинг трансфер баҳоси 20 миллион еврони ташкил этмоқда ва унинг ярмини "қироллик клуби" олади. Қайд этиш жоиз, "Реал" ҳали ҳамон футболчининг ярим трансфер ҳуқуқига эга.