Андреа Пирлонинг собиқ ёрдамчиси Алпарслан Эрдем ҳужумчи Криштиану Роналду мураббийга қайси жиҳати билан тўғри келмаганини айтди.

Эрдем 2022–2023 йилларда Туркиянинг «Фатих Карагюмрюк» клубида Пирлонинг ёрдамчиси сифати да ишлаган. Ундан аввал эса Андрей Пирло бир мавсум давомида «Ювентус»ни бошқарган эди. Ўшанда Роналда туринликлар шарафини ҳимоя қилган.

«Биз таҳлил ўтказдик ва таҳлил натижаси бизга баъзи маълумотларни тақдим этди. Бир нарса аниқ эди: Пирлога Дибала ёқмасди, Криштиану Роналду эса умуман унинг ўйин услубига мос келмасди.

У юқори прессинг қилишни хоҳларди, лекин маълумотлар шуни кўрсатдики, Криштиану Роналду спринтда энг ёмон натижага эга бўлган. У Роналдуни жамоада сақлашни истамасди, аммо ҳеч нарса қила олмасди — ахир бу Криштиану Роналду эди.

Унга Альваро Мората анча ёқарди — у Пирлонинг 4-4-2 схемаси учун идеал мос эди. Унинг тизими Роналду билан уйғун ишламасди, лекин буни ўзгартиришнинг иложи йўқ эди», — деди Эрдем Stammplatz подкастида.