Ламин Ямални кечикиб келгани учун жазолашмади.

"Барселона" бош мураббийи Ханс-Дитер Флик аввал ҳам бир неча бор ўйинчиларни асосий таркибдан четлатган, чунки улар машғулотларга кечикиб келишган.

Аммо Чемпионлар лигаси доирасидаги "ПСЖ" (1:2) билан ўйин олдидан йиғилишга ўз вақтида келмаган Ламин Ямалга нисбатан жазо қўлланилмади, деб хабар беради As. Испаниялик футболчи ўша ўйинни асосий таркибда бошлади.

Cadena SER журналисти Ману Карренонинг El Larguero дастурида айтишича, спорт директори Деку Фликни ўша куни Ламинни захира ўриндиғида қолдирмасликка кўндириш учун аралашишга мажбур бўлган. Германиялик мураббий дастлабки дақиқаларданоқ футболчини майдонга туширмасликни истади.

"Ламин ўйнаши учун Деку аралашишга мажбур бўлди. Фликка унинг қарорига эътироз билдирилгани ёқмади, чунки у жазо қўлланилса, ҳамма учун бир хил бўлиши керак, деб ҳисоблайди," - деди журналист.

Қайд этилишича, кийиниш хонасида Ямалга нисбатан санкциялар қўлланмагани тушунмовчилик келтириб чиқарган, чунки Жюль Кунде, Рафинья ва Иньяки Пенья каби футболчилар ҳақиқатан ҳам бундай ҳолатлар учун жазоланган.