"Ливерпуль" бош мураббийи Арне Слот Англия Премьер-лигасининг "Манчестер Юнайтед"га қарши ўйини ҳақида гапирди.
"Премьер-лиганинг ҳар бир ўйинини интиқлик билан кутяпман. Эҳтимол, "Манчестер Юнайтед" билан ўйинларни кўпроқ кутяпман, чунки уларнинг қанчалик ўзига хослигини биламан. Биз биламизки, бу Премьер-лиганинг дунё бўйлаб энг кўп томоша қилинадиган ўйини бўлиши мумкин.
Менимча, "Манчестер Юнайтед" мавсумни турнир жадвалидаги кўрсаткичлардан яхшироқ бошлади. Ғалаба қозониш учун биз ўзимизнинг энг яхши даражамизда бўлишимиз керак," - деди Слот матбуот анжуманида.
"Ливерпуль" - "Манчестер Юнайтед" учрашуви 19 октябрь куни Тошкент вақти билан соат 20:30да бошланади.
