Франция Лига 1 мусобақасининг 2025/2026 йилги мавсуми 8-туридан ўрин олган «ПСЖ» — «Страсбург» учрашуви ўз ниҳоясига етди. Беллашув Париждаги «Парк де Пренс» стадионида бўлиб ўтди. Ўйин 3:3 ҳисобида дуранг билан якунланди.
Ўйиннинг бошида майдон эгаси Брэдли Баркола ҳисобни очди. 26-дақиқада «Страсбург» ҳужумчиси Хоакин Паничелли ҳисобни тенглаштирди. Биринчи бўлимнинг охирида Диегу Морейра меҳмонларни олдинга олиб чиқди. 49-дақиқада Паничелли дублни расмийлаштирди.
58-дақиқада Гонсалу Рамуш фарқни қисқартирди, 79-дақиқада эса Сенни Маюлу ҳисобни 3:3 қилиб тенглаштирди.
Олдинги турда «ПСЖ» «Лилль»га қарши 1:1 ҳисобида дуранг ўйнаган бўлса, «Страсбург» «Анже»ни 5:0 ҳисобида мағлуб этган эди.
«ПСЖ» 8-турдан кейин 17 очко билан пешқадамликни сақлаб турган бўлса, «Страсбург» 16 очко билан 2-ўринни эгаллаб турибди. 15 очко тўплаб турган "Марсель" ва "Лион" мазкур турда ғалаба қозонса, пешқадамликни ўз қўлига олиши мумкин.
Франция — Лига 1, 8-тур
17 октябрь 2025 йил, жума
Париж, «Парк де Пренс»
ПСЖ (Париж) — Страсбург (Страсбург) - 3:3
Голлар: 1:0 — Баркола (6'), 1:1 — Паничелли (26'), 1:2 — Морейра (41'), 1:3 — Паничелли (49'), 2:3 — Рамуш (58'), 3:3 — Маюлу (79')













