"Манчестер Юнайтед" сардори Бруну Фернандеш жамоа бош мураббийи Рубен Аморим ҳали муваффақиятга эришиши мумкин, деб ҳисобламоқда.
Португалиялик мураббий клубда деярли бир йил ўтказди, аммо унинг қўл остидаги натижалар қониқарли эмас. Премьер-лиганинг жорий мавсумидаги 7 турдан сўнг "қизил иблислар" турнир жадвалида ўнинчи ўринни эгаллаб турибди.
"Баъзида жараёнга кенгроқ қараш керак - бу ўзимизга ҳам тегишли. Ўз номимдан ҳам, бутун жамоа номидан ҳам айтишим мумкинки, биз мураббийимизнинг клубни чўққига қайтишига ёрдам бера олишига ишонамиз," - деди Фернандеш Sky’га берган интервьюсида.
Якшанба куни "МЮ" сафарда амалдаги чемпион "Ливерпуль" билан куч синашади.
