"Барселона" ярим ҳимоячиси Френки де Йонг етакчилик ҳақида фикр юритди.
Куни кеча 28 ёшли футболчи Каталония гранди билан шартномасини узайтирди - янги келишув 2029 йилгача мўлжалланган.
"Одамлар кўпинча кучли характерни бақир-чақир, ғазаб ёки драматик имо-ишоралар билан адаштиришади. Мен учун ҳақиқий характер - бу ўз қадриятларига содиқлик, ҳалоллик, жамоадошларига ёрдам бера олиш қобилияти. Лидер бўлиш учун бақириш шарт эмас. Аслида кўп бақириб юборсангиз, одамлар сизни эшитмай қўйишади. Ўрни келганда гапира олиш жуда муҳим," - дея де Йонгнинг сўзларини келтиради Barca Times.
Нидерландиялик футболчи 2019 йилдан буён "Барселона" шарафини ҳимоя қилиб келмоқда.
