Инсайдер Фабрицио Романо ҳужумчи Жошуа Зиркзеенинг "Манчестер Юнайтед"даги ҳолати ҳақида маълумот берди.

Нидерландиялик футболчи кам ўйин амалиёти олаётганидан норози, шунинг учун у январь ойидаёқ жамоани тарк этиши мумкин.

"Зиркзее "Манчестер Юнайтед"даги ўрни учун курашмоқчи. У ўйин амалиёти етишмаслигидан ҳафсаласи пир бўлди, аммо бу унинг клубдан норози бўлиб, кетишни талаб қилаётганини англатмайди. Бироқ, агар январгача вазият ўзгармаса, у трансфер бозоридаги вариантларни кўриб чиқиши мумкин. "Вест Хэм" қизиқиш билдирмоқда, аммо ҳозирча аниқлик йўқ," - деди Романо.

Жошуа Зиркзе жорий мавсум "қизил иблислар" сафида 4 та ўйинда майдонга тушди.