Каноэчиларимиз Қозон шаҳрида бўлиб ўтаётган Бутунжаҳон олимпиадада ҳисобимизга навбатдаги бронза медалини келтиришди.
Бугун бўлиб ўтган 500 метр масофага 4 кишилик каноэ баҳсларида Ильдар Қаюмов, Мирзиёджон Ҳожиев, Дилшод Йўлдошев ва Муроджон Азметовдан иборат Ўзбекистон терма жамоаси стартда яхши қўзғала олишмади. 250 метрли масофадаги белгида йигитлар 5-ўринда боришаётганди. Масофанинг иккинчи ярмида тезликни оширган вакилларимиз марра чизиғини учинчи бўлиб кесиб ўтишди.
Биринчи ўринни Россия, иккинчи поғонани Украина эгаллади.
Мазкур медаль делегациямизнинг ўнинчи бронза медали бўлди. Шунингдек, Ўзбекистон ҳисобида 2та олтин ва 7та кумуш медаллари ҳам бор. Вакилларимиз умумжамоа ҳисобида 22-ўринни эгаллаб туришибди. Медаллар сони бўйича 12-ўрин Ўзбекистонга тегишли.