"Ливерпуль" ва "Наполи" клубларида ишлаган испаниялик машҳур мутахассис Рафаэль Бенитес Греция чемпионатида ишлаши мумкин. Бу ҳақда Sport24.gr журналистлари хабар бермоқда.
Манбага маълум бўлишича, мураббий билан шартнома имзолашдан "Панатинаикос" клуби манфаатдор. Айни пайтда испаниялик Афинада бўлиб турибди ва клуб вакиллари билан меҳнат шартномасини имзолаш бўйича келишиб олмоқда.
Бенитес греклар билан 2,5 йилга мўлжалланган меҳнат шартномаси тузиши мумкин. Мутахассиснинг йиллик маоши беш миллион еврони ташкил этади.
Бенитес ўтган йили баҳорда "Сельта"ни тарк этганидан буён ишсиз.
