Германия терма жамоаси бош мураббийи Юлиан Нагельсманн Венсан Компанининг "Бавария"даги фаолиятига баҳо берди.
Шанба куни мюнхенликлар Бундеслига 7-туридан ўрин олган Дортмунднинг "Боруссия" клуби устидан муҳим ғалабани қўлга киритди (2:1). Компани жамоаси мавсумни ажойиб тарзда бошлади ва барча 11 та ўйинда ғалаба қозонди.
"Венсан жуда хотиржам ва ёқимли ҳамкасб. У ўз жамоасини ҳимоя қилади, ишонч уйғотади. Компани даврида "Бавария" футболчилари майдонда ва унинг ташқарисида бахтли кўринади. Венсан билан суҳбатлашиш ҳар доим ёқимли - суҳбатларимиз қимматли, мазмунли ва қизиқарли," - деди Германия терма жамоаси устози Sky Sport нашрига берган интервьюсида.
Эслатиб ўтамиз, Юлиан Нагельсманнинг ўзи 2021 йилнинг ёзидан 2023 йилнинг мартигача "Бавария"да ишлаган.
