Футбол бўйича Англия Премьер Лигасининг 8-турида "Арсенал" шанба куни сафарда "Фулхэм"га қарши баҳс олиб борди ва минимал ҳисобда ғалаба қозонди.
Беллашувдаги ягона голга 58-дақиқада Леандро Троссард муаллифлик қилди. "Коттежерлар" меҳмонлар дарвозасига бирорта ҳам аниқ зарба йўллай олмади. "Арсенал" чемпионатнинг кетма-кет иккинчи ўйинида рақибларига аниқ зарба беришга йўл қўймади - жамоа буни 2003/04 йилги мавсумдан бери биринчи марта уддалади, деб ёзади Opta. Айнан ўша мавсумда "канонирлар" сўнгги бор АПЛ чемпионлигини қўлга киритганди.
Микель Артета жамоаси 19 очко билан мусобақа жадвалида пешқадамлик қилмоқда. Эътиборлиси, "Арсенал" 15 та гол уриб, атиги 3 та гол ўтказиб юборди.
