Нико Пас А Серия жорий мавсумида "Комо"нинг 9 та голидан 8 тасида иштирок этди.

"Ювентус" А Серия 7-турида сафарда "Комо"га (0:2) имкониятни бой берди. 21 ёшли аргентиналик футболчи дастлаб Марк Кемпфга ассистентлик қилди, кейин ўзи гол урди.

Франсеск Фабрегас бош мураббийлигидаги жамоа Италия чемпионати-2025/26'да 7та ўйинда 9та гол урди ва Пас улардан фақат биттасида иштирок этмади.

Нико А Сериянинг 7 ўйинида 4 та гол ва 4 та голли узатмани амалга оширди - у гол+пас тизими бўйича лигада пешқадамлик қилмоқда. У голли узатмалар бўйича ҳам биринчи ўринда бормоқда, тўпурарлар рўйхатида эса "Милан" футболчиси Кристиан Пулишич билан биринчи ўринни бўлишиб турибди.

Шунингдек, Пас "Реал"дан Винисиус Жуниор (5+4) ва "Бавария"дан Луис Диас (5+4) билан бир қаторда Европанинг топ-5 лигаларида камида 4 та гол урган ва камида 4 та голли узатмани амалга оширган футболчилар учлигига киради.

Нико "Реал" тарбияланувчиси ҳисобланади. Клуб футболчини қайта сотиб олиш ҳуқуқига эга.