Якшанба куни Италия чемпионатида "Комо" - "Ювентус" учрашуви бўлиб ўтди. Унда Сеск Фабрегас жамоаси 2:0 ҳисобидаги ғалаба билан мухлисларини хурсанд қила олди. Натижада, "Комо" очколар бўйича "Ювентус"га етиб олди ва ҳатто қўшимча кўрсаткичлар бўйича бешинчи ўринга ҳам кўтарилиб олди.
Италия топ-дивизиони даражасида "Комо" ва "Ювентус" ўзаро 31 та ўйин ўтказган ва фақат тўрттасида "кекса синьора" мағлуб бўлган. Бугунги ўйиндан олдинги мағлубиятлар анча олдин - 1952, 1951 ва 1950 йилларда содир бўлган.
Чоршанба куни "Ювентус" Чемпионлар лигаси доирасида "Реал" меҳмони бўлади. А Сериянинг навбатдаги турида эса "кекса синьора" "Лацио" меҳмони бўлади.
