Италия А Сериясининг 7-турида "Милан" ўз майдонида "Фиорентина"га қарши баҳс олиб борди ва 2:1 ҳисобида ғалаба қозонди.

Учрашувнинг 55-дақиқасида меҳмонлар ярим ҳимоячиси Робин Гозенс ҳисобни очди. Рафаэль Леаунинг дубли мезбонларга ғалаба келтирди. 63-дақиқада португалиялик ҳисобни тенглаштирган бўлса, 86-дақиқада пенальтидан унумли фойдаланди.

"Милан" (16) А Серия турнир жадвалида "Интер" (15), "Наполи" (15) ва "Рома" (15) клубларини ортда қолдириб, пешқадамга айланди.

"Фиорентина" (3) Италия чемпионатидаги ғалабасиз сериясини 7 ўйинга етказди ва турнир жадвалида 18-ўринни эгаллаб турибди.

А Серия, 7-тур
19 октябрь, якшанба, 23:45
Милан - Фиорентина - 2:1
Голлар: Гозенс, 55 (0:1). Леау, 63 (1:1). Леау, 86 - пенальтидан (2:1)
Милан: Меньян, Габбиа, Павлович, Томори, Риччи, Модрич, Фофана, Бартесаги, Атекаме (Хименес, 57), Салемакерс (де Винтер, 90), Леау (Мюл-Балентин, 90+3)
Фиорентина: де Хеа, Мари, Раньери, Понграчич, Мандрагора (Джеко, 88), Николусси Кавилья (Зом, 87), Фаджоли, Гозенс (Паризи, 69), Додо, Кин (Пикколи, 77), Фаццини (Гудмундссон, 70)
Огоҳлантиришлар: Атекаме, 50. Фофана, 60. Томори, 74 - Николусси Кавилья, 54. Паризи, 85. Раньери, 88