"Барселона" президенти Жоан Лапорта Ла Лиганинг 9-турида "Жирона"га (2:1) қарши ўйинда бош мураббий Ханс-Дитер Флик майдондан четлатилганига изоҳ берди.
"Кўк-анорранглилар" бош мураббийи Рональд Араухонинг ғалаба голи олдидан ҳакам томонидан қўшиб берилган дақиқаларда иккита сариқ карточка олди. Дисквалификация туфайли германиялик мутахассис Мадриднинг "Реал" клубига қарши навбатдаги учрашувни ўтказиб юборишга мажбур бўлади.
"Иккита сариқ карточка устидан шикоят қилдик. Ҳакам ҳаддидан ошди. Дисквалификация бекор қилиниши даргумон, лекин мен Фликка уни қўллаб-қувватлашимни айтдим. Ҳакамнинг ўзини тутиши менга ёқмади.
Хесус Хиль Мансано деярли барча энг яхши ўйинчиларимизни майдондан четлатган. Унинг рўйхатига бир қараб кўринг. Бу доимий равишда содир бўлади", - дея Лапортанинг сўзларини келтиради испан ОАВ.
"Реал" - "Барселона" учрашуви 26 октябрь куни бўлиб ўтади.
