Мадриднинг "Реал" клуби бош мураббийи Хаби Алонсо "Хетафе"га қарши ўйиндан сўнг (1:0) ўз фикрларини билдириб ўтди.
"Қаймоқранглилар" уч очкони Килиан Мбаппенинг 80-дақиқада урган голи эвазига қўлга киритди.
"Бугунги ўйинда устунлик қилдик. "Хетафе"га қарши ҳеч қачон осон бўлмайди - бу ўйинларда курашиш керак. Бугун жамоамиз қандай ҳаракат қилишни билишди. Ўйин унчалик жозибали чиқмади, бироқ биз бундан мамнунмиз," - деди Алонсо интервьюда.
"Реал" очколарини 24 тага етказиб, пешқадамга айланиб олди. 26 октябрь куни мадридликлар ўз уйида асосий таъқибчи "Барселона"ни қабул қилади.
