"Манчестер Сити" бош мураббийи Хосеп Гвардиола жароҳат олган ярим ҳимоячи Родрининг ҳолати ҳақида гапирди.
29 ёшли испаниялик шанба куни Премьер-лигада "Эвертон"га қарши ўйинни ўтказиб юборди. Афтидан, кейинги учрашувларда ҳам хавбек майдонга туша олмайди.
"У "Вильярреал"га қарши ўйнай олади, деб ўйламайман. "Астон Вилла" билан ҳам - эҳтимолдан йироқ. Биз эҳтиёткор бўлишимиз керак. Биз кўп марта янги жароҳатларнинг олдини олишга ҳаракат қилдик, аммо муваффақиятсизликка учрадик," - деди Гвардиола матбуот анжуманида.
"Шаҳарликлар"нинг "Вильярреал"га қарши баҳси сешанба куни Чемпионлар лигаси доирасида бўлиб ўтади. Англия чемпионатининг "Астон Вилла"га қарши ўйини 26 октябрь, якшанба кунига белгиланган.
