Мадриднинг "Реал" клуби бош мураббийи Хаби Алонсо ярим ҳимоячилар Арда Гюлер ва Жуд Беллингем ҳақида гапирди.
Ла Лиганинг якшанба куни бўлиб ўтган "Хетафе"га қарши ўйинида англиялик футболчи асосий таркибда майдонга тушди, туркиялик футболчи эса 65-дақиқада захирадан ўйинга қўшилди.
"Менимча, Жуд ва Арда ҳам "ўнлик", ҳам "олтилик" позициясида ўйнашга қодир. Улар ўринларини алмаштиришлари мумкин. Уларнинг маҳорати ҳар хил, лекин биз уларни алмаштиришимиз мумкин. Гюлер орқага ўгирилиб, кесиб ўтувчи пас берганда жуда хавфли," - деди Алонсо ўйиндан кейинги ОАВ билан суҳбатда.
"Қаймоқранглилар" "Хетафе"ни минимал ҳисобда мағлуб этди. Ягона гол 80-дақиқада Килиан Мбаппе томонидан киритилди, унга Арда Гюлер ассистентлик қилди.













