Ўтмишда "Ливерпуль"да ўйнаган машҳур футболчи Жейми Каррагер мерсисайдликларнинг ёзги трансфер сиёсати ҳақида гапирди.
"Улар кўплаб футболчиларни ўз сафига қўшиб олишди ва бу мураббийга муаммо туғдирди. Футболчиларга шунча пул сарфлаётганингизда, уларни жамоага қўшиш, бу ишлаши учун йўл топиш керак," - дея Каррагернинг сўзларини келтиради Sky Sports.
Ёзги трансферлар вақтида Арне Слот жамоаси 6 нафар футболчини харид қилиш учун 483 млн евро сарфлади. Улардан энг қиммати швециялик ҳужумчи Александр Исак (144 млн евро) бўлди, у янги клуби сафида 7та ўйинда атиги 1та гол урган.
