Дания терма жамоаси ва "Манчестер Юнайтед" клуби собиқ дарвозабони Петер Шмейхел "қизил иблислар"нинг "Ливерпуль" устидан қозонган ғалабасидан кейин ҳиссиётларини жиловлай олмади. Англия чемпионати 8-туридан ўрин олган ўйин 2:1 ҳисобида якунланди.
- Илтимос, биронтангиз Рубенни олиб келинг, мен уни ўпиб қўймоқчиман. Бу, шубҳасиз, Аморимнинг асосий ғалабаси. Биз бу ўйинда илгари ҳеч қачон кўрмаган нарсани кўрдик: барча ўйинчилар курашди!" - дея Шмейхелнинг сўзларини келтиради A Bola портали.
"Манчестер Юнайтед" АПЛ турнир жадвалида тўққизинчи ўринда бормоқда. Жамоа 13 очко тўплади. Кейинги турда манчестерликлар ўз майдонида "Брайтон"ни қабул қилади. Ўйин 25 октябрь куни бўлиб ўтади.
