Daniya terma jamoasi va "Manchester Yunayted" klubi sobiq darvozaboni Peter Shmeyxel "qizil iblislar"ning "Liverpul" ustidan qozongan g‘alabasidan keyin hissiyotlarini jilovlay olmadi. Angliya chempionati 8-turidan o‘rin olgan o‘yin 2:1 hisobida yakunlandi.
- Iltimos, birontangiz Rubenni olib keling, men uni o‘pib qo‘ymoqchiman. Bu, shubhasiz, Amorimning asosiy g‘alabasi. Biz bu o‘yinda ilgari hech qachon ko‘rmagan narsani ko‘rdik: barcha o‘yinchilar kurashdi!" - deya Shmeyxelning so‘zlarini keltiradi A Bola portali.
"Manchester Yunayted" APL turnir jadvalida to‘qqizinchi o‘rinda bormoqda. Jamoa 13 ochko to‘pladi. Keyingi turda manchesterliklar o‘z maydonida "Brayton"ni qabul qiladi. O‘yin 25 oktyabr kuni bo‘lib o‘tadi.
