"Манчестер Юнайтед" ҳимоячиси Харри Магуайр АПЛ 8-тури марказий учрашувида "Ливерпуль" устидан қозонилган ғалабадан сўнг, таъсирли хабар қолдирди. Манкунианлар 2:1 ҳисобида ғалаба қозонди. Айнан Магуайр 84-дақиқада ҳал қилувчи голни уриб, ўйин қаҳрамонига айланди.
"Бу клубни яхши кўраман!" - деб ёзди Магуайр Х ижтимоий тармоғида.
Премьер-лиганинг 8 туридан сўнг "Манчестер Юнайтед" очколарини 13тага етказиб, 9-ўринда бормоқда. Жадвалда 19 очко билан Лондоннинг "Арсенал" клуби етакчилик қилмоқда. Кейинги турда Рубен Аморим жамоаси ўз майдонида "Брайтон"ни қабул қилади.
