"Манчестер Юнайтед" дарвозабони Сенне Ламменс "қизил иблислар"нинг "Ливерпул" устидан қозонилган ғалабаси ҳақида фикр билдирди.
Англия Премьер-лигасининг 8-тур учрашуви 2:1 ҳисобида Рубен Аморим шогирдлари фойдасига ҳал бўлди. Дарвозабоннинг таъкидлашича, жамоа рақибнинг юқори прессингига қаршилик кўрсатиш учун узоқ тўп узатиш тактикасини қўллаган.
"Гарчи бизда аниқ белгиланган ҳужумчи бўлмаса-да, биз барибир прессингда жуда яхши курашдик, шу боис рақибни ўз дарвозамиздан узоқлаштиришга муваффақ бўлдик", - дея Ламменснинг сўзларини келтиради Manchester Evening News.
