Германиялик собиқ футбол юлдузи Лотар Маттеус мураббийлик фаолиятини Қозоғистонда давом эттириши мумкин. Бу ҳақда Sports.kz интернет нашри хабар тарқатди. Ҳозирда унга пойтахтнинг «Астана» жамоаси таклиф билдирган.
Манбанинг маълум қилишича, Маттеус клубдан кетган Мирослав Беранекнинг ўрнини эгаллаши мумкин. Шунингдек, бу ўринга румин мутахассиси Йоан Андоне ҳам келиши мумкинлиги борасида хбарлар тарқалган.
Маълумот ўрнида, Маттеус шу кунга қадар «Рапид», «Ред Булл Зальцбург» (Австрия), «Партизан» (Сербия), «Атлетико Паранаэнсе» (Бразилия), «Маккаби» (Нетания, Исроил) клубларида Венгрия ва Болгария терма жамоаларида фаолият юритган.