Бразилия чемпионати етакчиларидан бири жамоаси бош мураббийи билан шартномани узайтирмоқчи. Бу ҳақда журналист Николо Скира хабар берди.
Унинг маълумотига кўра, "Фламенго" раҳбарияти 40 ёшли Филипе Луис билан 2027 йил охиригача мўлжалланган янги икки йиллик битим шартлари бўйича фаол музокаралар олиб бормоқда.
Айни вақтда "қизил-қоралар" Бразилия А Сериясида 28 турдан кейин 61 очко жамғариб, 2-ўринда бормоқда. Чемпионат пешқадами "Палмейрас" ҳам шунча очко тўплаган.
Эслатиб ўтамиз, Филипе Луис 2024 йилнинг сентябрь ойи охирида "Фламенго"ни қабул қилиб олган эди.
