"Хетафе" футболчиси Ньом Винисиуснинг юзига зарба бергани учун 2та ўйинга дисквалификация қилинди.
"Реал" Ла Лиганинг 9-турида сафарда "Хетафе"ни мағлуб этди (1:0).
77-дақиқада Аллан Ньом захирадан майдонга тушганидан 44 сония ўтиб, қанотда катта тезликда олдинга қочаётган Винисиунинг юзига қўли билан зарба бериб, уни йиқитди. Бразилиялик майдонга ётиб олди. Бош ҳакам Хосе Мунуэра Монтеро дарҳол мезбонларнинг камерунлик ҳимоячисини майдондан четлатишга қарор қилди. "Хетафе" ўйинни тўққиз киши бўлиб якунлади - 84-да Винисиуснинг оёғига орқадан зарба бергани учун Алекс Санкрис иккинчи сариқни олди.
Испания Қироллик футбол федерацияси (RFEF) Ньомни тўп йўқ вазиятда тажовузкор хатти-ҳаракатлари учун икки ўйинга дисквалификация қилди.
Шу тариқа Аллан "Атлетик" ва "Жирона" билан ўйнамайди.
